0
0
અમદાવાદમાં SOG દ્વારા અવારનવાર ડ્રગ્સ પકડવામાં આવી રહ્યું છે.
8:08 8
T
અમદાવાદમાં SOG દ્વારા અવારનવાર ડ્રગ્સ પકડવામાં આવી રહ્યું છે. ત્યારે વધુ એક વખત બરોડા એક્સપ્રેસ હાઇવે નજીક કારમાંથી ડ્રગ્સ ઝડપી પાડ્યું છે. 16.120 ગ્રામ એમડી ડ્રગ્સ સાથે એક યુવતી સહિત 2 આરોપીઓની ધરપકડ કરવામાં આવી છે. ફિર્દોષ મન્સૂરી નામની યુવતી અને આશિષ પરમાર નામના આરોપીની ધરપકડ કરીને 11.43 લાખનો મુદ્દામાલ કબ્જે કર્યો છે ડ્રગ્સ સાથે યુવતી અને યુવકની ધરપકડ SOGએ બાતમીના આધારે અમદાવાદ- બરોડા એક્સપ્રેસ હાઇવે પાસેથી ડ્રગ્સ સાથે યુવતી અને યુવકની ધરપકડ કરી છે. ફિર્દોષ મન્સૂરી નામની યુવતી અને આશિષ પરમાર બરોડથી 16.120 ગ્રામ ડ્રગ્સની ડિલિવરી આપવા વડોદરાથી અમદાવાદ આવ્યા હતા. જોકે, ડિલિવરી આપે તે પહેલાં જ SOGએ આરોપીઓની ધરપકડ કરી છે. આરોપીઓની ધરપકડ કરીને ડ્રગસનો જથ્થો કબ્જે કરીને આરોપીઓ વિરુદ્ધ ગુનો નોંધ્યો છે.ડ્રગ્સ આપનાર અને ડિલિવરી લેનાર બંનેની શોધખોળઆરોપીઓની ધરપકડ કરીને પૂછપરછ કરતા સામે આવ્યું હતું કે, આ ડ્રગ્સનો જથ્થો સાગર સુથાર નામના આરોપી પાસેથી લાવવામાં આવ્યો હતો. યુવતી હોવાથી પોલીસને જાણ થાય નહિ માટે યુવતીને સાથે રાખવામાં આવી હતી. અમદાવાદમાં કોને ડિલિવરી આપવાના હતા તે બાબતે SOGએ તપાસ હાથ ધરી છે. જ્યારે બરોડથી જે વ્યક્તિ પાસેથી ડ્રગ્સ લાવ્યા હતા તે અંગે બરોડા SOGને જાણ કરવામાં આવી છે. જેથી SOGએ ડ્રગ્સ આપનાર અને ડ્રગ્સની ડિલિવરી લેનાર બંનેની શોધખોળ હાથ ધરી છે.
