0
0
આંતરરાષ્ટ્રીય સ્તરના આ સ્પોર્ટ્સ કોમ્પ્લેક્સનું નિર્માણકાર્ય ઝડપથી પૂર્ણ કરવા કેન્દ્રીય ગૃહ મંત્રીશ્રી અમિતભાઈ શાહની તાકીદ
મકરસંક્રાંતિના દિવસોમાં ગુજરાત પ્રવાસે આવેલા કેન્દ્રીય ગૃહ અને સહકાર મંત્રી અમિતભાઈ શાહે અમદાવાદ શહેરના નારણપુરા વિસ્તારમાં આકાર લઈ રહેલા આંતરરાષ્ટ્રીય કક્ષાના સ્પોર્ટ્સ કોમ્પ્લેક્સની મુલાકાત લઈને નિર્માણકાર્યની સમીક્ષા કરી હતી. કેન્દ્રીય મંત્રી અમિતભાઈ શાહે સ્પોર્ટ્સ કોમ્પ્લેક્સનું કન્સ્ટ્રક્શન કાર્ય ઝડપથી પૂર્ણ કરવા અધિકારી ઓને તાકીદ કરી હતી. અમિતભાઈએ નિર્માણાધીન સ્પોર્ટ્સ સંકુલની પ્રતિકૃતિ નિહાળીને સૂચનો પણ કર્યાં હતાં.
કેન્દ્રીય મંત્રી ની આ મુલાકાત દરમિયાન અમદાવાદના મેયર કિરીટભાઈ પરમાર, ડેપ્યૂટી મેયર ગીતાબેન પટેલ, ઇન્ચાર્જ મ્યુનિસિપલ કમિશનર રાજકુમાર બેનીવાલ, સ્ટેન્ડિંગ કમિટી ચેરમેન હિતેશભાઈ બારોટ, ધારાસભ્યશ્રી જીતેન્દ્ર પટેલ, ધારાસભ્ય હર્ષદભાઈ પટેલ તથા અન્ય મહાનુભાવો ઉપસ્થિત રહ્યા હતા.
